بلاها الحضرى وحسنى وتعالوا نسمع الاتنين المصريين فى محطه مصر بيقولوا ايه

اخوتى الاعزاء برجاء قراءة المقال الى اخره لان فيه مفاجأء
هذا الحوار دار بين اثنين سمعهم ثقيل قوى
:: الاول = بيسأل الثانى .. الاتوبيس ده بيروح مصر الجديده

الثانى = انت على الحديده ... يعنى طالب احسان

الاول = بذرة كتان ,,, لا دى تلاقيها عند العطار

الثانى = جزار ... اه قولى كده عايز تشترى لحمه

الاول = معاك حق الدنيا زحمه . عشان ده ميعاد خروج الموظفين

الثانى = نور الدين .... لا والله مااعرفوش

الاول = مابتشربوش ... ليه كفا الله الشر

الثانى = رأس البر ,,,, دا مصيف هادى

الاول = اه انت ساكن فى المعادى دى منطقه جميله

الثانى = بليله ,,,,, انت شكلك كده جعان

الاول = عيان ,,,, ايو والله انت باين عليك عيان . طب ما تروح لدكتور
الثانى = الحنطور .. دى احسن من الاتوبيس وبيوصلنى لحد الباب

الاول = هباب وانا اللى كنت فاكرك محترم

الثانى = اتخرم ,,,, هو مين

الاول = عاوز اسبرين ليه عندك صداع

الثانى = قراع ,,, ينهار اسود ده مرض خطير

الاول = فطير لا مش عايز وانا مش باحب الفطير اصله ثقيل على المعده وثمنه غالى

الثانى = خالى ... انت تعرف خالى دا راجل كبير فى السن

الاول == الجن ... نهارك مش فايت انت عليك عفريت

الثانى = لا والله مش معايا كبريت ... انت عايز تولع

الاول = أدلع ... ادلع عليك انته انت ما تملاش عنيا

الثانى = يقبضوا عليا ليه
الاول = انت انسان غريب شكلك كده شحات . روح اشتغل

شغلانه تاكل منها عيش

الثانى = خيش .... والله دا صوف انجليزى

الاول = بنتك زيزى ربنا يخلى

الثانى = انتاج محلى .... ده مستورد

يمر شويش فى الخدمه يلفت انتباهه الحوار

الشويش == بتعمل ايه يا جدع منك له

الاثنين === ايوه يا شويش احنا مستنين الاتوبيس

الشويش === جواسيس نهاركم مش فايت قدامى على القسم بسرعه